У ЛНР паведамілі пра магчымую гібель зніклых украінскіх вайскоўцаў


КПП у ЛНР. Фота tass.ru

Украінская выведвальная група, якая перастала выходзіць на сувязь, верагодна, знішчана. Пра гэта паведамляе «Інтэрфакс» са спасылкай на памежную службу самаабвешчанай Луганскай народнай рэспублікі.

У памежнае службе заявілі, што «любое несанкцыянаванае пранікненне ўзброеных людзей на тэрыторыю рэспублікі» расцэньваецца «як правакацыя і неадкладна спыняецца».

«Такога роду інцыдэнты перыядычна адбываюцца, мы даем жорсткі адпор. Хутчэй за ўсё, з гэтай выведвальнай групай суперніка было гэтаксама», – адзначылі ў ведамстве.

У сваю чаргу ў Савеце міністраў самаабвешчанай рэспублікі заявілі, што нічога не ведаюць пра лёс украінскіх выведнікаў.

«Ніякіх спецыяльных дакладаў у дачыненні да дадзенай групы не паступала, хутчэй за ўсё, да гэтых парушальнікаў быў ужыты агульны парадак, і, калі яны аказалі ўзброены супраціў падчас затрымання, то, хутчэй за ўсё, былі знішчаны ў адказ агнём», – распавёў суразмоўца агенцтва.

Ён дадаў, калі ўкраінскія ваенныя добраахвотна склалі зброю перад памежнікі ЛНР і здаліся, «то яны могуць быць сярод затрыманых».

Раней прэс-афіцэр тактычнай групоўкі «Марыупаль» Зміцер Заўтонаў паведаміў, што група ваеннаслужачых узброеных сіл Украіны, якая выконвала заданне ў Луганскай вобласці, перастала выходзіць на сувязь. У паведамленні прэс-цэнтра антытэрарыстычнай аперацыі ўкраінскіх сілавікоў у Facebook ўдакладняецца, што зніклыя ваенныя служылі ў адным з разведвальных падраздзяленняў ВСУ.

ВД, паводле tvrain.ru

Глядзі таксама
Каментары