У Літве абмяркоўваюць, дзе лепш перапахаваць парэшткі Зігмунда Серакоўскага


Член Сейму, кансерватар Эмануэліс Зінгерыс прапанаваў перапахаваць парэшткі аднаго з кіраўнікоў паўстання Кастуся Каліноўскага на Антокальскіх могілках у Вільні.

Як паведамляе выданне «Lietuvos žinios», гэтая ідэя чальцоў праўлення Сейму, як і іншых парламентарыяў не зацікавіла.

На думку кансерватара, парэшткі Зігмунда Серакоўскага і ягоных паплечнікаў павінныя быць выстаўленыя ў Сейме, каб грамадства магло ўшанаваць іхную памяць перад перазахаваннем.

«Вярхоўная Рада Узнаўляльнага Сейму прапанавала барацьбу за свабоду Літвы і атрымала яе ў 1990 годзе. За гэта ж – барацьбу за свабоду Літвы – таксама аддалі свае жыцці і Зігмунд Серакоўскі з паплечнікамі. Таму Сейм – месца, якое падыходзіць лепш за ўсё, каб ушанаваць іхную памяць», – сцвярджае Эмануэліс Зінгерыс.

Сюжэт «Абʼектыву» пра знаходку на гары Гедыміна ў Вільні

Віцэ-спікер Сейму Арвідас Некрошус паведаміў, што праўленне аднагалосна не прыняло прапанову кансерватара, паколькі доступ у Сейм абмежаваны, што знізіць колькасць жадаючых ушанаваць памяць Серакоўскага.

Парэшткі Зігмунда Серакоўскага былі выяўленыя археолагамі Нацыянальнага музею Літвы на гары Гедыміна ў ліпені.

Царскія ўлады пакаралі смерцю Зігмунда Серакоўскага ў 1863 годзе на Лукішскай плошчы Вільні ў 1863 годзе. Яму было 37 гадоў.

Глядзіце таксама:

НМ, belsat.eu, паводле Delfi.lt

Стужка навінаў