Расейскія футбольныя хуліганы дабраліся ў Ліль, дзе 15 траўня адбудзецца матч іхнай зборнай.
Расейцы напалі на брытанцаў (фанатаў Англіі ды Уэльсу), якія былі ў пабе, які знаходзіцца побач з цэнтральным чыгуначным вакзалам у паўночнай частцы гораду.
У адказ на напад расейскіх хуліганаў брытанцы пачалі кідаць крэслы. Сітуацыя супакоілася, калі на месца прыехала паліцыя.
Пасля канфлікту былі затрыманыя два расейца, паведамляе «Sky Sports». Паводле карэспандэнта ТАСС, быў затрыманы і адзін ангельскі заўзятар.
Расейскія фанаты прыбываюць у Ліль, у гэтым горадзе іхная зборная 15 чэрвеня правядзе матч супраць зборнай Славакіі. А ў горадзе Ланс, што недалёка, 16 чэрвеня сустрэнуцца нацыянальныя каманды Англіі ды Уэльсу.
Што тычацца навінаў з футбольных палёў, то сёння зборная Вугоршчыны даволі нечакана перамагла каманду Аўстрыі – 2:0, а Партугалія разышлася мірам з Ісландыяй – 1:1.
НМ, belsat.eu
