У Курапатах каля рэстарацыі «Поедем, поедим» міліцыянты ў цывільным затрымалі актывістку Наталлю Гарачка-Басалыгу. Пра гэта распавёў belsat.eu абаронца Курапатаў Аляксей Сігаеў.
Наталля Гарачка-Басалыга прыехала ў Курапаты прыкладна ў другой палове дня. Яна распавяла актывістам, што яе ўжо шукаюць міліцыянты – раней тыя наведваліся да яе сяброўкі. Прыкладна праз паўгадзіны пасля з’яўлення Гарачка-Басалыгі да рэстарацыі падʼехаў міліцэйскі мікрааўтобус. Адтуль выйшлі тры міліцыянта ў цывільным і прапанавалі актывістцы праехаць з імі. Прычыну затрымання яны не патлумачылі.
Толькі што затрымалі Наталлю Басалыгу-Гарачка.
Opublikowany przez Ihara Barysau Niedziela, 1 lipca 2018
Нагадаем, 30 чэрвеня міліцыя затрымала актыўных удзельнікаў абароны Курапатаў – Барыса Анікеева, Вольгу Мікалайчык, Паўла Севярынца і Дзяніса Урбановіча. Нікалайчык і Севярынец атрымалі ў выніку па 10 содняў арышту.
Ужо амаль месяц у Курапатах адбываюцца пратэсты супраць рэстарацыі «Поедем, поедим». На ўдзельнікаў абароны Курапатаў за гэты час складзены шматлікія адміністратыўныя пратаколы, некаторых актывістаў затрымлівала міліцыя.
ІІ, belsat.eu
