У Сімферопалі Федэральная служба бяспекі РФ затрымала двух расейцаў, адзін з якіх вайсковец, па падазрэнні ў шпіянажы на карысць Украіны.
Пра гэта паведамляе сайт ФСБ РФ.
«У г. Сімферопалі затрыманы грамадзяне РФ Суханосава Ганна Станіславаўна і Далгаполаў Дзмітрый Аляксандравіч. Апошні праходзіць ваенную службу на тэрыторыі Рэспублікі Крым», – гаворыцца ў паведамленні.
Адзначаецца, што названыя асобы «збіралі і перадавалі спецслужбам Украіны звесткі аб дзейнасці частак і злучэнняў Чарнаморскага флоту, якія складаюць дзяржаўную таямніцу».
«Узбуджаная крымінальная справа паводле прыкмет складу злачынства, прадугледжанага артыкулам 275 Крымінальнага кодэксу Расеі «Дзяржаўная здрада». Вядзецца следства», – падсумавалі ў ФСБ.
КА, belsat.eu
