Удасканаленыя эскізы павінныя быць прадстаўленыя журы да 1 ліпеня.
11 чэрвеня рэктар Беларускай дзяржаўнай акадэміі мастацтваў Міхаіл Баразна паведаміў журналістам, што ў конкурсе памятнага знака мемарыялу ў Курапатах перамаглі тры праекты.
Журы абралі іх з 32 заявак, падае БелТА.
Паводле Баразны, тыя праекты, якія выйшлі ў фінал, патрабуюць дапрацоўкі – у прыватнасці, з улікам архітэктурнай прывязкі і дакладнага месца размяшчэння памятнага знаку.
Паводле арганізатараў конкурсу, знак мае арганічна ўпісацца ў існы народны мемарыял і не парушыць ягонае цэласнасці.
Конкурс эскізаў памятнага знаку ў Курапатах Міністэрства культуры абвесціла напрыканцы сакавіка. Яго мэтай было стварыць «найбольш выразнае мастацкае адлюстраванне вобразу ўрочышча Курапаты як агульнанацыянальнага месца памяці і прымірэння».
ДД