Інцыдэнт адбыўся яшчэ ў лютым.
Пра яго ў эфіры «Альфа радыё» распавяла афіцыйны прадстаўнік Следчага камітэту Юлія Ганчарова.
23-гадовы нецвярозы хлопец разам з сябрам а 6-ай раніцы прыехалі ў госці да дзяўчыны (у Клічаўскім раёне). Там яны пабачылі двух іншых хлопцаў, і пачалася сварка.
«Малады чалавек дастаў з аўта муляж пісталета і пачаў усіх палохаць, пагражаў ужываннем гвалту. «Пісталет» у яго адабралі, знаёмы спрабаваў яго супакоіць. Але той не сунімаўся: ён дастаў з багажніка бензапілу, паспрабаваў яе запусціць – каб такім чынам «вырашыць» канфлікт. Запусціць яе ён не змог, папрасіў знаёмага, у выніку з заведзенай бензапілой у руках працягнуў пагражаць людзям», – распавяла Юлія Ганчарова.
Тыя, каму хлопец пагражаў, уцяклі.
Адзін са сведкаў сцэны адабраў у хлопца бензапілу. Сябры не супакоіліся, агрэсіўны маладзён зайшоў у дом знаёмых, дзе збіў аднаго з прысутных.
Падчас папярэдняга следства фігуранты прызналі сваю віну. Суд Клічаўскага раёну прызнаў іх вінаватымі ў здзяйсненні асабліва злоснага хуліганства і прызначыў 4 гады абмежавання волі без накіравання ў папраўчую ўстанову адкрытага тыпу.
НМ, belsat.eu, фотаздымак altay.glavny.tv
