У шматкватэрным доме ў Клецкім раёне гарэла кватэра.
Супрацоўнікі МНС даведаліся пра пажар у аграгарадку Янавічы а 16:11 10 лютага, паведамляе прэс-служба ведамства.
Ратавальнікі, якія прыбылі на месца, пабачылі, што ў кватэры на другім паверсе (3-хпавярховага дому) моцнае задымленне. Супрацоўнікі МНС знайшлі ў кватэры загінулага гаспадара 1973 года нараджэння. Суседзі распавялі, што мужчына пражываў адзін.
З кватэраў таго ж дому супрацоўнікі МНС выратавалі тры асобы, яшчэ 11 – эвакуявалі.
Цяпер высвятляецца прычына пажару. Адна з версіяў, якія разглядаюць, – неасцярожнае абыходжанне з агнём пры курэнні.
НМ, belsat.eu