Сёння раніцай у цэнтры Кіева мужчына зруйнаваў помнік героям Нябеснай сотні на вуліцы Інстытуцкай. Яго затрымала паліцыя на месцы здарэння.
Зараз злачынец знаходзіцца ў паліцыі, дзе высвятляюць абставіны яго знаходжання ў Кіеве і прымуць рашэнне аб прыцягненні яго да адказнасці. Саветнік міністра ўнутраных справаў Украіны паведаміў у сваім Facebook, што злачынца – жыхар Севастопалю 1974 г.н. Ён прыехаў у Кіеў уночы 5 кастрычніка.
Як паведамляе сайт hromadske.ua, падчас разбурэння помніка мужчына крычаў, што гэта «За Данбас».
Сярод герояў Нябеснай сотні ёсць таксама імя беларуса Міхася Жызнеўскага. Прэзідэнт Украіны Пятро Парашэнка ўзнагародзіў Міхася Жызнеўскага Ордэнам Герояў Нябеснай Сотні, а ўкраінскі ўрад прызначыў пажыццёвую стыпендыю ягоным бацькам.
ВЧ, belsat.eu