У Кіеве праходзіць «Марш за імпічмент»: Саакашвілі прапанаваў Парашэнку сустрэцца

video

Саакашвілі на "Маршы за імпічмент". Фота -REUTERS/Valentyn Ogirenko

У цэнтры Кіева праходзіць ініцыяваны Міхэілам Саакашвілі «Марш за імпічмент». Пратэстоўцы патрабуюць адстаўкі Пятро Парашэнкі.

Людзі сабраліся ў парку ім.Тараса Шаўчэнкі і прайшлі шэсцем да Майдана Незалежнасці. Паводле паліцэйскіх, да мерапрыемства далучыліся каля 2 тыс. чалавек. У той жа час, арганізатары «Маршу за імпічмент» заяўляюць аб «шматтысячнай калоне» удзельнікаў.

Паводле УНІАН, у маршы прымаюць удзел не больш за 5000 чалавек. Людзі нясуць плакаты з надпісамі: «Парашэнка – новы Януковіч», «Парашэнка знішчае ўсё антыкарупцыйныя органы» ды іншыя.

Выступаючы на ​​сцэны на Майдане Саакашвілі заявіў:

«За гэтыя дні мы паказалі, што ўкраінцы больш не будуць цярпець, мы будзем зносіць іх будку. Сабачай будкі больш не будзе пры ўладзе, – цытуе Саакашвілі «Украінская праўда», – Я даб’юся таго, што іх рахункі (рахункі улады – рэд.) замарозяць, а ФБР будзе іх лавіць. Мы гатовыя да перамоваў, але дамаўляцца толькі аб адным – аб адстаўцы (прэзідэнта – рэд.). Я прапаную Парашэнка сустрэчу – размаўляць пра тое, як яны вернуць грошы, спыняць карупцыйныя схемы і сыдуць».

Нагадаем, 8 снежня Саакашвілі затрымалі ў Кіеве паводле абвінавачвання ў «садзейнічанне ўдзельнікам злачынных арганізацыяў і ўтойванні іх злачыннай дзейнасці». Улады Украіны вінавацяць Саакашвілі ў сувязях з Масквой, а таксама ў тым, што фінансаванням ягоных палітычных акцыяў займаўся беглы алігарх Сяргей Курчанка, блізкі да Віктара Януковіча.

10 снежня ў Кіеве прайшоў ініцыяваны Саакашвілі шматтысячны «марш за імпічмент». На наступны дзень суд адмовіўся арыштоўваць Саакашвілі – цяпер ён на свабодзе.

ІІ, belsat.eu

Глядзі таксама
Каментары