У Каталунні закалоты і масавыя пратэсты з нагоды гадавіны рэферэндуму аб незалежнасці


У гадавіну рэферэндуму аб незалежнасці Каталунні пратэсты ахапілі амаль усю краіну. На паўночным усходзе рэгіёну заблакаваны аўтамагістралі і чыгуначныя шляхі. Масавыя дэманстрацыі адбываюцца ў Барсэлоне.

Акцыі пратэсту арганізаваны Камітэтам абароны рэспублікі – мясцовай групай актывістаў, створанай у кастрычніку 2017 года падчас правядзення рэферэндуму аб незалежнасці.

Фота: Jon Nazca / REUTERS / FORUM

Акцыі пратэсту ў Каталунні пачаліся на мінулым тыдні. У суботу, 29 верасня, у Барсэлоне шасцёра пратэстоўцаў былі затрыманыя падчас сутыкнення з паліцыянтамі. 14 чалавек атрымалі раненні.

Фота: Jon Nazca / REUTERS / FORUM

Фота: Jaume Sellart / EFE / FORUM

1 кастрычніка летась у Каталунні прайшло галасаванне па пытанні аб выхадзе са складу Іспаніі. Удзел у ім прынялі больш за два міільёны каталонцаў. 90% удзельнікаў плебісцыту выказаліся за незалежнасць. У Мадрыдзе лічаць гэты рэферэндум нелегітымным і адмаўляюцца прызнаваць яго вынікі.

Аб’ектыў
Ужо заўтра – незалежнасць. Каталунцы аб’весцілі страйк і выйшлі на пратэст
2017.10.03 22:33

Шэраг арганізатараў рэферэндуму былі асуджаныя па абвінавачванні ў сепаратызме.

CK, belsat.eu

Стужка навінаў