Канадскія сенатары большасцю галасоў (52 супраць 29) ухвалілі закон, які дазваляе ўжыванне марыхуаны на тэрыторыі ўсёй краіны.
Дакумент рэгулюе пытанні вырошчвання канабісу, а таксама, дзе і якім чынам можна распаўсюджваць ды прадаваць марыхуану.
Закон забараняе мець пры сабе больш за 30 «!» грамаў марыхуаны, а таксама вырошчваць дома больш за чатыры кусты канопляў або набываць канабіс у пастаўшчыка, які не мае ліцэнзіі. За продаж марыхуаны непаўналетнім прадугледжваецца турэмнае зняволенне тэрмінам да 14 гадоў, піша bbc.com.
Канада стала першай краінай «Вялікай сямёркі», якая легалізавала канабіс у «рэкрэацыйных мэтах».
Афіцыйна легалайз пачне дзейнічаць з верасня.
Захоўванне марыхуаны ў Канадзе забаранілі ў 1923 годзе, але ў 2001 годзе была легалізаваная «медычная марыхуана», якую прапісвалі цяжка хворым з мэтаю аблегчыць пакуты, а таксама людзям з псіхічнымі ды неўралагічнымі захворваннямі.
ЮВ, belsat.eu