Першы хуткасны цягнік бізнес-класа Менск-Горадня пачне хадзіць з 9 снежня.
Адпраўленне з Горадні а 06:39, прыбыццё ў Менск а 10:42. Адпраўленне са сталіцы а 15:30, прыбыццё ў горад над Нёманам а 19:38.
Дарога будзе займаць чатыры гадзіны.
«Гэта максімум, што можа прапанаваць Беларуская Чыгунка. Пры актуальным стане чыгуначнага шляху хутчэй з Менску да Гародні не даедзеш», – піша актывіст Кастусь Шыталь.
У цягніку – 3 вагоны і 152 месцы. Налета маюць купіць 6-вагонныя цягнікі.
Цяпер да Горадні ходзяць шэсць цягнікоў, у тым начны. Дарога займае ад 4:50 да 7:40 гадзін.
За апошні час Беларуская чыгунка набыла 18 цягнікоў Stadler для арганізацыі перавозак пасажыраў паміж Менскам і Заслаўем, Смалявічамі і Рудзенскам, у рэгіянальным і міжрэгіянальным паведамленнях бізнес-класа. Да 2020 года БЧ плануе пусціць цягнікі бізнес-класу ва ўсе абласныя цэнтры.
Яшчэ летась БЧ планавала набыццё 10 цягнікоў на электрацязе і 6 шасцівагонных дызель-цягнікоў. Апошнія выкарыстоўваюць альбо будуць на напрамках Менск – Віцебск, Менск – Горадня і Менск – Магілёў.
ДР belsat.eu