У Горадні ў грамадзяніна Польшчы канфіскавалі аўтамабіль BMW-X6. Транспартны сродак быў увезены ў 2017 годзе, у Беларусі ён выкарыстоўваўся пад выглядам ужо зарэгістраванага на тэрыторыі Еўразійскага эканамічнага саюзу аўтамабіля.
Крыміналістычная экспертыза, якую правялі супрацоўнікі Дзяржаўнага камітэту судовых экспертыз, пацвердзіла, што VIN-нумар аўто быў зменены.
«Тым самым грамадзянін меў намер ухіліцца ад выплаты мытных плацяжоў у памеры каля 75 тысячаў беларускіх рублёў», – паведамляюць у Мытным камітэце.
Таксама было высветлена, што дадзены транспартны сродак знаходзіцца ў вышуку ў Еўразвязе. У дачыненні да польскага грамадзяніна распачалі крымінальную справу за ўхіленне ад выплаты мытных плацяжоў.
ГА, belsat.eu паводле customs.gov.by