У Гомлі на прыпынку грамадскага транспарту сутыкнуліся аўтобус і тралейбус, паведамілі ва ўпраўленні ДАІ Гомельскага аблвыканкама.
ДТЗ адбылося сёння прыкладна а 12.05. Тралейбус рухаўся па вуліцы Свірыдава з боку вуліцы П.Броўкі. У раёне прыпынку грамадскага транспарту «Вуліца Макаёнка» у яго ўрэзаўся аўтобус, які рухаўся ззаду. Кіроўца аўтобуса не ўлічыў умовы надвор’я і не паспеў затармазіць на слізкай дарозе.
У выніку аварыі тры пасажыры – сямігадовае дзіця, пенсіянер і жанчына атрымалі траўмы. У хлопчыка медыкі зафіксавалі ўдар носа, у мужчыны – удар спіны. Дапамога ім была аказана на месцы, пасля чаго яны былі адпушчаныя дадому. Жанчыне ж спатрэбілася шпіталізацыя.
КА, belsat.eu, паводле belta.by