Моцны вецер, парывы якога дасягалі 20 метраў на секунду, стаў прычынай адключэння электраэнергіі і пашкоджання дахаў дзевяці будынкаў сельскагаспадарчага прызначэння, а таксама дахаў трох жылых дамоў у Смаргонскім раёне. Пацярпелых няма.
Працаўнікам МНС прыйшлося распілоўваць паваленыя дрэвы, якія ляжалі на праезнай частцы ў вёсцы Навумавічы і Юхновічы. У вёсцы Пушкары пад Горадней дрэва ўпала на нежылы дом, які выкарыстоўваецца пад лецішча.
У рэгіёне зафіксаваныя два выпадкі адключэння электраэнергіі. У Навумавічах без святла заставаліся 90 прыватных жылых дамоў, у Смаргонскім раёне – 23 прыватных жылых дома. Электразабеспячэнне аднавілі.