18 траўня ў 20:40 на тэрыторыі амбасады Беларусі ў Вільні адбыўся выбух. Пра гэта паведамляе партал delfi.lt.
Паводле паліцыі, выбухнула петарда. Падчас інцындэнту людзі і маёмасць не пацярпелі.
Паводле слоў прадстаўніка Галоўнага камісарыяту Віленскай акругі Паўлюса Радвілавічуса, пра здарэнне паліцыі паведаміў супрацоўнік амбасады.
Пачалося дасудовае раследванне аб парушэнні грамадскага парадку, падазраваных пакуль няма.