Лукашэнка вырашыў працягнуць гэтае правіла да канца года.
Змены ў пазалеташнім указе «Аб вызваленні ад акцызаў некаторых відаў тавараў» Аляксандр Лукашэнка падпісаў 2 лютага, працягнуўшы ягонае дзеянне да канца 2017-га.
Згодна з указам, алкагольныя напоі і тытунёвыя вырабы беларускай вытворчасці, якія рэалізуюцца ўладальнікам крамаў беспадаткавага гандлю для наступнага продажу, вызваляюцца ад акцызаў.
Што гэта значыць?
Безакцызны алкаголь і цыгарэты будуць таннейшымі. Праз павелічэнне продажу дзяржава хоча падтрымаць вытворцаў гэтай прадукцыі.
Падтрымліваюць іх не ў першы раз: гэтак два апошнія месяцы 2016-га стаўка акцызу на моцны алкаголь была зніжаная на 2,8 % і склала Br 13,45 за 1 літр 100 %-га спірту, які ўтрымліваўся ў гатовай прадукцыі.
Акцызы ў свеце звычайна можна сустрэць на таварах, шкодных для здароўя, а таксама прадметах раскошы. У Беларусі акцызамі абкладзеныя нават алеі для карбюратарных рухавікоў (поўны спіс усіх падакцызных тавараў гл. у арт. 111 Падаткавага кодэксу).
ДД
