У выніку выбуху пацярпелі мінімум тры асобы.
Інцыдэнт адбыўся ў суботу днём, паведаміў агенцтву «Интерфакс» «дэпутат» гэтак званага Народнага савету самаабвешчанай «Данецкай народнай рэспублікі» Уладыслаў Бердычэўскі.
«Выбух адбыўся на з’ездзе Кампартыі ДНР. Тры асобы пацярпелі, калі выходзілі з будынку», – адзначыў Бердычэўскі.
У той жа час паводле Telegram-каналу «WarGonzo», у выніку выбуху пацярпелі 4 асобы, сярод якіх і кандыдат на пасаду кіраўніка ДНР Ігар Хакямзінаў.
Паводле папярэдніх звестак, выбух адбыўся ў будынку ў Куйбышаўскім раёне Данецку на скрыжаванні вуліцаў Хлебадарная і Бакінскіх Камісараў.
НМ, belsat.eu