Iгар Кулей з Бруселю напярэдадні саміту
Пяты саміт «Усходняга партнёрства» пройдзе 24 лістапада ў бельгійскай сталіцы.
Беларускую дэлегацыю ўзначальвае міністр замежных справаў Уладзімір Макей. Вядома, што запрашэнне з Еўразвязу наведаць саміт атрымліваў Аляксандр Лукашэнка, але вырашыў не ехаць.
Па прыбыцці ў Брусель Уладзімір Макей заявіў, што яшчэ напярэдадні саміту беларускі бок выказаў свае пажаданні партнёрам з ЕЗ, важнейшае з якіх – «больш цесныя беспраблемныя гандлёва-эканамічныя кантакты, адносіны».
Удзел у мерапрыемстве возьмуць старшыня Еўрапейскай Рады Доналд Туск, кіраўнік Еўракамісіі Жан Клёд-Юнкер ды высокі прадстаўнік ЕЗ па замежных справах і палітыцы бяспекі Федэрыка Магерыні.
У Брусель накіраваліся і журналісты «Белсату», якія будуць асвятляць саміт «Усходняга партнёрства».
НМ, belsat.eu
