23 лістапада побач з будынкам Еўракамісіі адбыўся пікет прадстаўнікоў беларускай дыяспары ў Бельгіі. Арганізатары пікету «Маскоўскi Траянскi конь у Бруселi» мяркуюць, што Еўропа не павінна супрацоўнічаць з кіраўніком Беларусі.
«24 лістапада ў Бруселі адбудзецца саміт «Усходняе Партнёрства». Да ўдзелу ў саміце запрошаны падазраваны ў забойстве Ганчара i Захаранкi [зніклыя беларускія палітыкі. – Заўв. Belsat.eu] Аляксандр Лукашэнка», – гаворыцца ў анонсе мерапрыемства.
Сёлета кіраўнік Беларусі быў запрошаны на саміт «Усходняга Партнёрства». Аднак Аляксандр Лукашэнка вырашыў не ехаць у Брусель. Беларусь на саміце будзе прадстаўляць кіраўнік МЗС Уладзімір Макей.
24 лістапада побач з будынкам Еўракамісіі запланаваны яшчэ адзін пікет «Дзе Ганчар?!».
ЮВ, belsat.eu