У блогера забралі дрон за палёт над кацельняю


Міліцыя заўважыла, як барадаты хлопец запусціў квадракоптар з камераю непадалёк ад кацельнай «Паўднёвая» ў Віцебску. Праваахоўнікі завезлі хлопца ў пастарунак.

«Лепш бы я піў і паліў, як той хлопец, што сядзеў побач са мной у Першамайскім РАУС», – піша ў сваім блогу Павел Клімянок.

«Супрацоўнік КДБ пасля доўгіх кансультацыяў праз тэлефон растлумачыў работнікам РАУСу, што мне інкрымінуюць два артыкулы адміністратыўнага кодэксу – «парушэнне паветранай прасторы» ды «пранікненне на тэрыторыю аб’екту, статус якога мы яшчэ ўдакладнім».

«Што я там спадзяваўся ўбачыць? Ды нічога! Я проста МОГ зазірнуць у трубу. Проста маючы такую магчымасць, яе не рэалізаваць – злачынства супраць свайго ўнутранага дзяцінства», – тлумачыць блогер.

Віцебскае аддзяленне ўнутраных справаў першамайскага раёну правярае факт канфіскацыі лятальнага апарату, які «быў зафіксаваны ў стане палёту над рэжымным аб’ектам», – зазначаецца ў адказе віцебскай гарадской пракуратуры на зварот Паўла Клімянка. – зазначаецца ў адказе віцебскай пракуратуры на зварот блогера.

Відэа з квадракоптару віцебскага блогера


ЮВ, belsat.eu

Глядзі таксама
Каментары