Пазней усіх адпусцілі без складання пратаколаў.
24 чэрвеня праціўнікі будаўніцтва акумулятарнага заводу працягнулі збор подпісаў за адстаўку кіраўнікоў Берасцейскай вобласці, Берасця і Берасцейскага раёну, якія далі дазвол на будаўніцтва акумулятарнага заводу «АйПаўэр».
Каля 15-ай каля цэнтральнага рынку Берасця міліцыя затрымала актывістаў Змітра Андрасюка, Аляксандра Кабанава, Сяргея Пятрухіна і Змітра Бекалюка.
«Нас затрымалі і адвезлі ў Ленінскі РАУС, дзе апыталі ў якасці сведак. Мяне і Пятрухіна адпусцілі, а Бекалюк і Андрасюк пакуль у міліцыі», – распавёў «Белсату» Аляксандр Кабанаў.
Цягам гадзіны з міліцыі адпусцілі таксама Змітра Андрасюка і Змітра Бекалюка.
11 траўня суд Ленінскага раёну вынес пастанову аб пакаранні Змітра Андрасюка штрафам у памеры Br 490, а Пятрухіна і Кабанава – у памеры Br 1225 кожнаму – якраз за збор подпісаў.
13 чэрвеня Абласны суд Берасцейскай вобласці пакінуў гэта рашэнне без зменаў.
СА
