[vc_row][vc_column][vc_video link=”https://youtu.be/KkBolKaLKDs”][vc_column_text]
Калі ў Беларусі будзе Плошча, то крыві пральецца больш, чым на Майдане, выказаў меркаванне палітолаг Павел Усаў у новай праграме «Белсату» «Liberum veto».
Экс-кандыдат на прэзідэнцтва ў 2010 годзе і былы палітвязень Мікола Статкевіч наўрад ці здолее разварушыць беларусаў ды сабраць Плошчу-2015, мяркуе Павел Усаў.
«Я не думаю, што яму (Мікалаю Статкевічу – рэд.) удасца разгойдаць сітуацыю ці стварыць нейкую крытычную масу, бо, нягледзячы на тое, што Статкевіч мае маральную перавагу перад уладамі, вытрымаў ціск у вязніцы і выйшаў сапраўдным пераможцам, ты не менш рэсурсу, на які трэба разлічваць падчас пратэсту, у Статкевіча няма. На жаль, ён не з’яўляецца супераўтарытэтам для большасці беларусаў», – заўважыў адмысловец.
На ягоную думку, можна будзе ўплываць на сітуацыю і нешта змяняць у краіне толькі тады, калі тысячы беларусаў беларусаў выйдуць на вуліцу не толькі ў Менску, але і ў іншых гарадах. Тое ж, як жорстка Лукашэнка разганяў Плошчу-2010 і пратэстоўцаў у 2011 годзе, паказвае, што крыві ў Беларусі пральецца значна больш, чым на Майдане ва Украіне, дзе рэжым Віктара Януковіча быў больш лагодны за рэжым Аляксандра Лукашэнкі, лічыць адмысловец.
Другі момант – ідэя рэвалюцыі на сёння не з’яўляецца прывабнай для беларусаў, нават для тых, хто падзяляе думку, што дасягнуць зменаў у краіне можна толькі праз пратэсты, адзначыў Павел Усаў.
Глядзіце больш у выданні праграмы «Liberum veto», якая выходзіць у новым сезоне ў пятніцы а 21:25. Праграму можна глядзець у онлайн-трансляцыі на нашай старонцы.
МЯ, belsat.eu[vc_row][vc_column][/vc_column][/vc_row]
