«Трэба карміць народ, а не гульнямі займацца»: менчукі пра Еўрапейскую алімпіяду

«А што, грошай няма куды падзець? Іншых праблемаў няма? Можна і да пенсіі дадаць, я не адмоўлюся», – адказвае адна з апытаных на вуліцы сталіцы спадарынь.

«Не бачу неабходнасці, немэтазгодна. Тым больш, паводле статыстыкі, даходы беларусаў упалі яшчэ на 20 %».

Аднак супраць не ўсе. Больш глядзіце ў відэа.

21 кастрычніка ў Менску прайшла Генеральная асамблея Еўрапейскіх алімпійскіх камітэтаў, на якой прынялі рашэнне, што Беларусь прыме Другія Еўрапейскія гульні ў 2019 годзе. Правядзенне Еўрапейскай алімпіяды будзе каштаваць нашай краіне некалькі дзясяткаў мільёнаў долараў.

Першыя Еўрапейскія гульні прайшлі ў Баку ў 2015 годзе па ініцыятыве былога прэзідэнта ЕАК Патрыка Хікі і абышліся Азербайджану ў 1,2 мільярдаў долараў. Першы віцэ-прэзідэнт НАК Беларусі Максім Рыжанкоў паабяцаў, што «гэта будзе самая эканамічная Алімпіяда». Для гасцей спартыўнай імпрэзы ў Беларусі плануюць увесці бязвізавы рэжым.

Чытайце таксама >>> Улады плануюць Еўрапейскія гульні, але за год не змаглі адрамантаваць нават басейну ў Гомлі

ДР belsat.eu