Пра гэта прэзідэнт ЗША напісаў у Twitter.
«Я толькі што пагаварыў са старшынём КНР Сі Цзіньпінам наконт правакацыйных дзеянняў Паўночнай Карэі. Дадатковыя маштабныя санкцыі супраць КНДР будуць уведзены ўжо сёння. Гэта сітуацыя будзе пад кантролем!», – гаворыцца ў паведамленні.
29 лістапада КНДР абвясціла аб паспяховым выпрабаванні міжкантынентальнай балістычнай ракеты, здольнай паразіць цэлі на ўсёй тэрыторыі ЗША. Па дзяржаўным тэлебачанні абвясцілі, што цяпер Паўночная Карэя стала ядравай дзяржавай.
Міністр абароны Джым Мэтыс адзначыў, што гэтая ракета ляцела даўжэй і паднялася вышэй за ўсіх папярэдніх ракет, запушчаных Паўночнай Карэяй. Ён заявіў, што КНДР уяўляе небяспеку для міру ва ўсім свеце.
КНДР у апошнія месяцы правяла выпрабаванні вадароднай бомбы і неаднаразова праводзіла запускі балістычных ракет. Таксама Пхеньян пагражаў нанесці ракетны ўдар па тэрыторыі побач з амерыканскім востравам Гуам для дэманстрацыі магчымасцяў сваіх ракет.
- КНДР назвала «сабачым брэхам» прамову Трампа на Генасамблеі ААН
- ЦРУ: Не задавайце пытанняў, калі Кім Чэн Ын раптам знікне
Доналд Трамп, упершыню выступаючы на пасяджэнні Генеральнай асамблеі ААН, прыгразіў «знішчыць» Паўночную Карэю, калі яна будзе пагражаць ЗША і саюзнікам. Кім тады адказаў, што Паўночная Карэя разгледзіць «максімальна жорсткія контрмеры за ўсю гісторыю» супраць ЗША.
