Таццяна Караткевіч: «Мы за абумоўленае зняцце санкцыяў»

video

Лідары «Гавары праўду» распавялі, якой яны бачаць вонкавую палітыку Беларусі.

https://www.youtube.com/watch?v=keO0PbYiL1A

«Мы кажам пра абумоўленае зняцце санкцый, маем на ўвазе, што беларускія ўлады павінныя зрабіць рашучыя крокі наперад. Першае, канешне, што нас тычацца ў палітычнай сферы – зняцце артыкула, які дазваляе пераслед актывістаў, якія «дзейнічаюць ад імя незарэгістраванай арганізацыі» (арт. 193.1)», – заявіла ў каментары «Белсату» лідарка «Гавары праўду» Таццяна Караткевіч.

Паводле яе, Беларусі патрэбная фінансавая і тэхнічная дапамога, якую наша краіна магла б атрымаць пасля адмены санкцый. У дадатак Таццяна Караткевіч назвала іншыя аргументы, згодна з якімі, санкцыі супраць беларускіх чыноўнікаў трэба зняць:

«Гэтыя санкцыі дзейнічаюць даўно. Мы бачым, што на працягу дзесяці гадоў мы збяднелі, наша эканоміка і палітыка імкнуцца да нуля. А гэта значыць, што тактыка і палітыка не спрацоўваюць: як унутры краіны, так і за яе межамі. Таму мы лічым змяненне тактыкі і стратэгіі ў адносінах да Беларусі маглі б адчыніць для нас новыя магчымасці».

Сёння на сваёй старонцы ў Facebook яшчэ адна жанчына-палітык Вольга Карач выразіла крытыку ў стасунку да Таццяны Караткевіч, назваўшы яе кампанію «Гавары праўду» галоўнымі лабістамі Лукашэнкі ў апазіцыі. Караткевіч сказала, што да такой крытыкі ставіцца спакойна. Былая кандыдатка на прэзідэнцтва кажа, што шмат у чым крытыкуе Аляксандра Лукашэнку, пры гэтым не лічыць патрэбным маўчаць, калі ўлады робяць добры крок.

НМ, belsat.eu

Глядзі таксама
Каментары