Журналісты «БТ», якія выкарысталі ў адной з перадач відэа з вядомым дзіцячым рэаніматолагам Максімам Ачарэтнім, у сваіх тлумачэннях спасылаюцца на «спецыфіку працы».
У эфір спяшаліся даць навіну пра тое, што загадчыка аддзялення Крупскага шпіталя будуць судзіць па абвінавачванні ў злачынстве супраць палавой недатыкальнасці, распавядае вядоўца.
«Кажучы пра доктара адной медустановы, выкарыстоўваўся відэашэраг іншага, без асоб і іншых вядомых дэталяў. У такіх выпадках карцінка носіць выключна ілюстрацыйны характар, не ўтрымлівае злога намеру і не мае дачынення да агучанай у эфіры інфармацыі».
Калектыў праграмы «Зона Х» паабяцаў у далейшым «больш акуратна» працаваць з архівамі.
Раней Менскі дзіцячы інфекцыйны шпіталь, у якім працуе рэаніматолаг, звярнуўся да канала «Беларусь 1» з просьбаю тлумачэнняў. Як кажа сам Максім Ачарэтні, перад ім ніхто не выбачыўся.
«Яны проста сказалі, што гэта іх праца і такое бывае», – распавёў доктар citydog.by.
Сюжэт ужо выдалілі з сайта «БТ» і на Youtube.
ДР belsat.eu