Днём 25 ліпеня, у сераду, на большай частцы Беларусі пройдуць навальніцы, у асобных раёнах пры навальніцах моцныя залевы, град і шквалістае ўзмацненне ветру. Абвешчана штармавое папярэджанне, паведамляюць сіноптыкі і МНС.
Пры гэтым парывы ветру ўзмацняцца да 15-20 метраў у секунду.
У Менску днём таксама чакаецца навальніца і моцны вецер. Тэмпература паветра +24 градусы.
Аднак ужо заўтра, 26 ліпеня, у Менску ўсталюецца пераменная воблачнасць, а паветра прагрэецца да +27.
МНС раіць жыхарам Беларусі прытрымлівацца пэўных правілаў падчас навальніцы. Гэтак, рэкамендуецца зачыніць вокны, трымацца далей ад электраправодкі, не карыстацца мабільным тэлефонам і іншымі прыладамі (асабліва на вуліцы, на адкрытай прасторы) і па магчымасці не ездзіць на машыне.
КА, belsat.eu