Антон Матолька патрабуе ад БТ кампенсацыі за выкарыстаныя ў эфіры тэлеканалу ўласныя фотаздымкі паўночнага ззяння, якое ён сфатаграфаваў у Беларусі. На мінулым паседжанні суддзя Віктар Коўшун прызначыў мастацкую экспертызу фотаздымкаў.
Эксперт, загадчык кафедры кінатэлеаператарства Беларускай дзяржаўнай акадэміі мастацтваў Андрэй Чупрынскі, не прызнаў фотаздымкі Матолькі вынікам творчай дзейнасці.
«Менавіта вынікі экспертызы і будуць сёння разглядацца ў судзе. Мы з адвакатам плануем задаць эксперту шэраг падрыхтаваных пытанняў і паспрабуем паставіць яго заключэнне пад сумнеў», – расказаў Антон Матолька прэс-службе ГА «Беларуская асацыяцыя журналістаў».
- БТ і «выкраданне» паўночнага ззяння «у колерах беларускага сцягу». Трагікамедыя з невядомым канцом
- БТ адмовілася падпісаць замірэнне з Антонам Матолькам, які падаў у суд на дзяржаўных тэлевізійнікаў
- Аляксандр Фядута: «Матолька – проста папса. Трэба яго ажаніць на Дарафеевай!»
Антон гаворыць, што пакуль не згубіў надзеі дамагчыся кампенсацыі ад Белтэлерадыёкампаніі за ўласныя фотаздымкі, якія сталі ўжо своеасаблівым сімвалам змагання за аўтарскія правы.
