Сёння дзень народзінаў Петруся Броўкі

Wideo

Пятрусь Броўка нарадзіўся 25 чэрвеня 1905 года ў беднай сялянскай сямʼі (9 дзяцей і 2,5 дзесяціны зямлі) у вёсцы Пуцілкавічы (Віцебская вобласць). Бацька рабіў куфры ды шафы. Маці гадавала дзяцей (падчас нямецкай акупацыі трапіла ў Асвенцім, дзе і загінула. Броўка прысвяціў маці паэму «Голас сэрца».

Першы верш Броўкі пабачыў свет у 1926 годзе ў газеце «Чырвоная Полаччына».

Падчас Другой сусветнай вайны будучы народны паэт добраахвотна пайшоў у Чырвоную Армію. У 1941–1942 быў інструктарам-літаратарам франтавой газеты «За Савецкую Беларусь» на Бранскім і Заходнім франтах, супрацоўнічаў з партызанскім друкам.

У 1953 годзе стаў членам-карэспандэнтам Акадэміі навук БССР. Памёр 24 сакавіка 1980 года.

«Пахне чабор» – адзін з самых вядомых вершаў Петруся Броўкі.

Хiба на вечар той можна забыцца?


…Сонца за борам жар-птушкай садзiцца,


Штосьцi спявае пяшчотнае бор,


Пахне чабор,


Пахне чабор…

Лёгкiя крокi на вузкай сцяжынцы.


Дзеўчына ў белай iскрыстай хусцiнцы,


Быццам абсыпана промнямi зор.


Пахне чабор,


Пахне чабор…

Выйсцi б насустрач, стаць i прызнацца.


Вось яно – блiзкае, яснае шчасце,


Клiкнуць хацелася – голас замёр.


Пахне чабор,


Пахне чабор…

Год адзiнаццаць, а можа, дванаццаць


Сэрца балiць, што не здолеў спаткацца,


Сэрца нязменна хвалюе дакор.


Пахне чабор,


Пахне чабор…

Час той схаваўся за дальняй гарою,


Здасца хвiлiнай – яна прада мною…


Выйду. Гукаю. Маўклiвы прастор.


Пахне чабор,


Пахне чабор…

Пеcня на верш Петруся Броўкі ў выкананні Уладзіміра Мулявіна

ЮВ, belsat.eu

Глядзі таксама
Каментары