Абітурыенты праходзяць тэставанне па расейскай мове.
На гэты прадмет зарэгістраваліся 75 тыс. 394 абітурыенты, паведаміў дырэктар Рэспубліканскага інстытуту кантролю ведаў Мікалай Фяськоў.
Іспыт стартуе аб 11:00.
Сёлета на цэнтралізаванае тэставанне па расейскай мове зарэгістравалася менш асобаў, чым летась (крыху больш за 78 тыс.).
Падчас здачы тэсту-экзамену пры сабе можна мець запоўнены і зарэгістраваны пропуск, дакумент, які сведчыць асобу, а таксама ручку з чорным стрыжнем. Падчас тэставання катэгарычна забаронена карыстацца прыладамі сувязі. Тыя, хто парушаць патрабаванні і прынясуць на ЦТ мабільныя тэлефону, пакінуць аўдыторыю і будуць пазбаўленыя магчымасці здаваць іспыты сёлета. Парушальнікі не змогуць пераздаць іспыт у рэзервовы дзень.
Глядзіце таксама:
НМ, belsat.eu, паводле БелТА