Сёння Беларусь і Расея абмяркуюць праблемныя пастаўкі харчоў


Рассельгаснагляд супраць беларускіх свіней. Сюжэт «Аб’ектыву»

20 красавіка ў Маскве сустрэнуцца кіраўнік Мінсельгасхарчу Леанід Заяц і кіраўнік Мінсельгасу Расеі Аляксандр Ткачоў.

Некалькі дзён таму Леанід Заяц распавёў, пра што будзе ісці гаворка:

«Неабходна абмеркаваць попыт і прапанову па прадуктах, якія пастаўляюцца на расейскі і беларускі рынкі, то бок харчовыя балансы, пазначыць асартымент відаў прадукцыі, аб’ёмы і тэрміны паставак, каб можна было ўвязаць эканамічныя інтарэсы Беларусі і Расеі. Таксама будзем абмяркоўваць пытанні зняцця часовых абмежаванняў з беларускіх прадпрыемстваў малочнай і мясной галіны. Акрамя таго, неабходна выпрацаваць адзіныя падыходы, элементы дарожнай карты па зняцці абмежаванняў».

Падчас працоўнай сустрэчы, магчыма, будзе абмяркоўвацца пытанне стварэння адзінага малочнага рынку.

НМ, belsat.eu, паводле БелТА

Стужка навінаў