Сябры загінулага ў Сірыі Аляксея Ярашэвіча рыхтуюцца да пахавання, канкрэтная дата пакуль невядомая. Большасць з іх належыць да прапуцінскага байкерскага клубу «Начныя ваўкі».
База «Начных ваўкоў» знаходзіцца ў прамзоне, на ўскрайку Гомля. Гэта прыватная тэрыторыя з вялікім ангарам. Ля ўвахода шмат машын на расейскіх нумарах і з беларускімі службовымі пропускамі. Ахова нервова рэагуе на з’яўленне журналістаў, пагражае разбіць камеру.
***
Ярашэвіч – не першы беларус, які загінуў у Сірыі. У мінулым чэрвені ў Горадні пахавалі падпалкоўніка сухапутных войскаў РФ Уладзіміра Бекіша, які быў у Сірыі камандзірам роты выведкі.
КА/ІА, belsat.eu