Сустракаем Новы год з «Белсатам»! Тэлепраграма на 31 снежня і 1 студзеня

video

Нарэшце вы зможаце не толькі паслухаць, але і паглядзець «Народны альбом»! А таксама фільм пра тое, як адбывалася рэактывацыя культавага музычнага праекту сярэдзіны 90-х. Да гэтага – цудоўныя дакументальныя фільмы і канцэрт «Океана Ельзи». Не прапусціце!

Субота, 31 снежня

18:40 «Сон пра Варшаву», д/ф

Першы поўнаметражны біяграфічны фільм пра культавага польскага музыку Чэслава Немэна (Выдрыцкага), які вырас на Гарадзеншчыне. У стужцы выкарыстаныя шмат якія не вядомыя дагэтуль архіўныя матэрыялы.

21:10 «Святочныя размовы»

Першая намесніца старшыні ТБМ, дэпутатка Парламенту Алена Анісім у святочным выданні праграмы «“Прыват” Валярынай Куставай».

23:00 «Невядомая Беларусь: “Народны альбом”. Ненаўмысны шэдэўр», д/ф

Мы вяртаемся ў той час, калі задумваўся праект, і праходзім з удзельнікамі 20-гадовы шлях ажно да рыхтавання рымейку на сцэне Падляскай оперы ў верасні 2016-га. Усе, хто меў дачыненне да «Народнага альбому», пасталелі. Лёс раскідаў іх па розных тусоўках і нават краінах. Сяброўскія стасункі не захаваліся. Ці змогуць удзельнікі сабрацца разам? А калі змогуць, ці здолее новая інсцэнізацыя паўтарыць поспех папярэдняй?

00:03 «Народны альбом. 20 гадоў», тэлевізійная версія канцэрту

Рэактывацыя культавага музычнага праекту сярэдзіны 90-х. 27 песняў распавядаюць гісторыю заходнебеларускага мястэчка ў міжваенны перыяд.

01:35 «”Океан Ельзи” – 20 гадоў разам!», фільм-канцэрт

Канцэрт, які стаўся легендаю: выступ гурта ў межах юбілейнага туру «”Акіян Эльзы” – 20 гадоў разам!» сабраў больш за 75 000 прыхільнікаў з усяго свету ў Кіеве і стаў афіцыйна зарэгістраваным канцэртавым рэкордам Украіны.

Нядзеля, 1 студзеня

16:25 «Піна», д/ф

Піна Баўш – танцоўшчыца і харэограф, сустрэча з якою назаўжды змяняла жыцці ейных вучняў. У гэтай стужцы яны распавядаюць пра жыццё з Пінаю на сваіх родных мовах, але галоўным чынам – моваю танцу. Фільм Віма Вэндэрса, намінаваны на «Оскар».

19:30 «Святочныя размовы»

Спартовец і музыка Віталь Гуркоў у святочным выданні праграмы «“Прыват” Валярынай Куставай».

19:50 «Невядомая Беларусь: “Народны альбом”. Ненаўмысны шэдэўр», д/ф

(Паўтор)

20:40 «Народны альбом. 20 гадоў», тэлевізійная версія канцэрту

(Паўтор)

Глядзі таксама
Каментары