Менская міліцыя склала адміністратыўныя пратаколы на актывіста моладзевай ініцыятывы «Zмена» Паўла Вінаградава.
Яго абвінавачваюць у правядзенні несанкцыянаванай акцыі і абразе службовай асобы. Адміністратыўны працэс распачаўся 1 ліпеня, калі Вінаградаў прыйшоў адзначацца ў Маскоўскі РУУС у сувязі з адбываннем прэвентыўнага нагляду.
Падставай для складання пратакола стала акцыя «Zмены» 26 чэрвеня, якая прайшла ў Менску.
Падчас акцыі актывісты арганізацыі вывесілі бел-чырвона-белыя сцягі, а таксама плакаты з партрэтам Вінаградава, які паказвае сярэдні палец.
Чытайце таксама >>> Павел Вінаградаў паказаў суддзі сярэдні палец і вывесіў бел-чырвона-белыя сцягі
Актывісты правялі акцыю ў звязку з тым, што 7 чэрвеня суд Маскоўскага раёну сталіцы ўстанавіў над Вінаградавым прэвентыўны нагляд на 6 месяцаў.
Пасля акцыі актывіст даў кароткае інтэрв’ю нашаму тэлеканалу і «перадаў прывітанне» суддзі Сушко, які вынес рашэнне аб аднаўленні нагляду.
Суд па адміністратыўных справах можа пачацца на наступным тыдні.