Суд не задаволіў пазоў праціўнікаў акумулятарнага заводу


Праціўнікі будаўніцтва акумулятарнага заводу ў судзе Маскоўскага раёну Берасця

Людзі патрабавалі спыніць гаспадарчую дзейнасць Ipower і правесці новае грамадскае абмеркаванне.

Напрыканцы студзеня грамадская арганізацыя «Экадом» і некалькі прыватных асобаў звярнуліся ў суд Маскоўскага раёну Берасця з іскаваю заяваю аб прыпыненні гаспадарчай дзейнасці кампаніі Ipower. Суд разгледзеў пазоў у двух судовых паседжаннях і адмовіў у іскі па ўсіх пунктах.

«Рашэнне суда прадказальнае. Магчыма, кагосьці здзіўлю, але я задаволены гэтым рашэннем па некалькіх прычынах. Дзяржаўныя органы ў судзе фактычна прызналі, што працэдура правядзення грамадскіх абмеркаванняў прайшла з парушэнням дзейнага заканадаўства, але тое, што суд апраўдаў гэтыя парушэнні, не робіць яму гонар.

Фактычна ў судовым пасяджэнні прайшло грамадскае абмеркавання справаздачы аб ацэнцы ўздзеяння на навакольнае асяроддзе, і мы даведаліся, то што хацеў схаваць Ipower. Безумоўна, зараз мы абскардзім гэтае рашэнне», – сказаў «Белсату» юрыст «Экадому» Сяргей Магонаў.

Нагадаем, што ўжо тры месяцы жыхары Берасця змагаюцца супраць будаўніцтва акумулятарнага заводу недалёка ад гораду, але пакуль спыніць будаўніцтва не ўдаецца.

АС

Глядзі таксама
Каментары