Статуя Свабоды і востраў Эліс (Нью-Ёрк, ЗША) зачыніліся для наведнікаў «праз недахоп асігнаванняў». Такое паведамленне 20 студзеня з’явілася ў афіцыйным «Twitterʼы» музейнага комплексу.
20 студзеня ў ЗША часткова спынілі працу дзяржаўныя ўстановы, бо Сенат не прыняў рэзалюцыю аб фінансаванні ўраду на бліжэйшыя чатыры тыдні. Сенатары-дэмакраты адмовіліся падтрымаць рэзалюцыю праз адмененую Доналдам Трампам праграму DACA, якая не дазваляе дзецям нелегальных мігрантаў атрымаць легальны статус у ЗША.
Прыпыненне працы закранула прыкладна палову з двух мільёнаў федэральных служачых ЗША. Калі сітуацыя не вырашыцца да 22 студзеня, яны не змогуць выйсці на працу.
20 студзеня 2017 года Доналд Трамп уступіў на пасаду прэзідэнта.