Стала вядома, калі пачнецца суд за дамоўныя матчы ў беларускім футболе


Суд Першамайскага раёну Менску 25 верасня пачне разгляд справы аб дамоўных матчах, якія былі выяўленыя ў беларускім футболе ў 2016 годзе.

У скандальнай гісторыі аказаліся замешаныя наступныя сустрэчы:

«Іслач» – «Дынама» (Берасце) ( 30.04.2016, 2:4, вышэйшая ліга)

БАТЭ – «Граніт» (20.11.2015, 5:0, Кубак Беларусі)

«Прамень» – «Гомельчыгункатранс» (25.06.2016, 3:1, першая ліга)

«Ашмяны» – «Прамень» (2.07.2016, 3:3, першая ліга)

«Баранавічы» – «Ашмяны» (5.06.2016, 1:0, першая ліга)

У спісе асобаў, якія праходзяць па справе, налічваецца больш за два дзясяткі чалавек.

У выніку абвінавачанні высунулі супраць 15 фігурантаў – ім інкрымінуюць артыкул 253 Крымінальнага кодэксу Беларусі («подкуп удзельнікаў і арганізатараў прафесійных спартовых спаборніцтваў і відовішчных камерцыйных конкурсаў»). Пры гэтым яны падзеленыя на дзве групы. Адных вінавацяць толькі паводле ч. 1 арт. 253, іншых – у дадатак яшчэ паводле ч. 2 названага артыкулу.

Глядзіце таксама:

НМ, belsat.eu, паводле Pressball.by

Глядзі таксама
Каментары