Сірыец прысягнуў на вернасць «Ісламскай дзяржаве» і пайшоў забіваць.
Відэазапіс са зваротам нападніка змясціла інфармацыйнае агенцтва «Amaq», блізкае да «Ісламскай дзяржавы».
Амерыканская група «SITE», якая маніторыць актыўнасць у сеціве, падае змест відэазвароту. У ім сірыец, меркаваны нападнік, па-арабску паведаміў, што ў Ансбаху рэалізаваў «аперацыю пошуку пакутніцтва» і заклікаў да новых атакаў.
На відэазапісу тэрарыст называецца як «Мухамэд Далійль».
«Я клянуся, гэтая аперацыя стане выбуховым прыставаннем. У наступны раз там не будзе выбуховага прыставання ці паясоў, але будзе аўта з выбухоўкай», – заяўляе чалавек на відэазапісе.
Выбух у горадзе Ансбах ноччу 25 ліпеня зладзіў 27-гадовы сірыец, якому раней адмовіліся прадаставіць прытулак. У выніку нападнік загінуў, яшчэ 12 асобаў атрымалі раненні.
НМ, belsat.eu
