Падчас мытнай праверкі паштовых адпраўленняў гарадзенскія мытнікі знайшлі дарагую тэхніку.
На памежны пункт «Беняконі», што на мяжы з Літвой, прыехалі два мікрааўтобусы. У дакументах, якія кіроўцы перадалі мытнікам, значылася, што яны перавозяць паштовыя адпраўленні, якія ідуць у Расею. Па дакументах у скрынках знаходзіліся кнігі, мяккія цацкі і ўжываныя рэчы.
Мытнікі вырашылі праверыць змест скрынак. Замест кнігаў і цацак там было 20 ноўтбукаў Apple, 1807 айфонаў і тэлефонаў Xiaomi і шмат іншых каштоўных рэчаў.
Па папярэдніх падліках мытні ўсё гэтае дабро каштуе больш за мільён долараў.
ГА, belsat.eu паводле customs.gov.by
