Штраф за артыкул пра паляка, які абараняў мяжу 17 верасня 1939 г.


Чарговы вырак не на карысць незалежных медыяў. Глыбоцкі раённы суд аштрафаваў мясцовага журналіста Змітра Лупача на 25 базавых велічыняў.

На падставе матэрыялу, размешчанага на старонцы «Еўрарадыё», журналіста абвінавацілі ў незаконным вырабе і распаўсюдзе прадукцыі медыяў.

Заўтра паводле таго ж артыкулу разгледзяць справу магілёўскай карэспандэнткі Аліны Скрабуновай. Яе будуць судзіць за матэрыял пра завод «Строммашына», які выйшаў на нашым тэлеканале ўвесну.

Абвінавачанні за супрацу з «Белсатам» на днях пачулі і гарадзенскія фрылансеры Алесь Кіркевіч ды Алесь Дзянісаў. Нагодаю стаў сюжэт пра выставу лялек.

Агульная сума штрафаў журналістам паводле арт. 22.9 КаАП («незаконны выраб і распаўсюд прадукцыі СМІ») на сёння складае ўжо 133 млн 280 тыс. рублёў (больш за 8 тыс. еўра).

belsat.eu

Стужка навінаў