22 снежня стала вядома, што Аляксандр Лукашэнка падпісаў дэкрэт, які атрымаў нефармальную назву «дэкрэт аб ПВТ 2.0».
Дакумент спрашчае працу і ўводзіць ільготы для рэзідэнтаў Парку высокіх тэхналогіяў, а таксама рэгулюе пытанні з абаротам крыптавалютаў.
Сусветныя медыі не пакінулі гэтую падзею без увагі. Мы знайшлі тры загалоўкі, якія адлюстроўваюць рэакцыю медыярынку на дэкрэт «Аб развіцці лічбавай эканомікі».
Bloomberg.com у артыкуле «Апошні дыктатар Еўропы хоча зрабіць з Беларусі крыптахаб» звяртае ўвагу на новы статус крыптавалюты ў Беларусі і тэхналогію блокчэйн.
Агенцтва Reuters.com узгадала словы Лукашэнкі пра тое, што «інтэрнэт – гэта сметнік», але пахваліла за смелы крок у артыкуле «Беларусь прымае закон аб крыптавалюце, каб прыцягнуць замежных інвестараў».
Амерыканскі тэлеканал cnbc.com апублікаваў дэпешу інфармацыйнага агенцтва AP з загалоўкам «Беларусь імкнецца стаць лідарам у галіне лічбавых валют».
ЮВ, belsat.eu