«Чарнобыльскі» і «воўчы шлях»


Галоўныя падзеі гэтага тыдня ад belsat.eu.

У Расеі асудзілі беларускага патрыёта за салідарнасць з Украінай 

22-гадовы Кірыла Сілівончык працаваў сістэмным адміністратарам на адным з заводаў у Ніжнім Ноўгарадзе. У снежні мінулага года яго затрымалі і абвінавацілі па арт. 205.2. Крымінальнага кодэксу РФ (публічныя заклікі да ажыццяўлення тэрарыстычнай дзейнасці або публічнае апраўданне тэрарызму). У Расеі справы па гэтым артыкуле падпадаюць пад юрысдыкцыю вайсковага суда, нават калі абвінавачаны – цывільная асоба.

Па дадзеных следства, беларус у кастрычніку 2014 года на сваёй старонцы ў сацыяльнай сетцы «УКантакце» размяшчаў фатаграфіі і рабіў запісы, у якіх выказваў сваё стаўленне да падзеяў на Украіне, заклікаў «забіваць маскалёў», «вярнуць Крым Украіне».

Польскае МЗС адмовіла «байкерам Пуціна»

«Міністэрства замежных спраў накіравала дыпламатычную ноту ў расейскую амбасаду ў Варшаве аб адмове ва ўездзе на тэрыторыю Польшчы групы матацыклістаў, сярод якіх былі прадстаўнікі клубу «Начныя ваўкі»», паведамляцца на афіцыйнай старонцы польскага МЗС.

Расейскае МЗС незадаволена рашэннем польскага дыпведамства і называе яго «неадэкватным».

Чарнобыльскі шлях-2015

Аляксандр Лукашэнка падчас візіту ў Грузію закрануў і вельмі балючаю для Крамля праблему – прызнанне незалежнасці Абхазіі і Паўднёвай Асеціі.

Кадыраў загадаў страляць па расейцах. Прэзідэнт Чачэніі дазволіў сваім сілавікам забіваць «федэралаў»

«Я афіцыйна заяўляю, калі без вашага ведама на вашай тэрыторыі з’яўляецца, не мае значэння, масквіч ці стаўрапальчанін, адкрыць агонь на знішчэнне – распарадзіўся Рамзан Кадыраў падчас нарады сілавікоў. – З намі павінны лічыцца. Хопіць. Нас прыніжалі, абражалі. Мы не дзеля гэтага прымалі канстытуцыю, каб нас забівалі», – прыгразіў Кадыраў.

ЮВ, belsat.eu

Глядзі таксама
Каментары