Албанскія фанаты, якіх не пусцілі на матч, зладзілі палёт над стадыёнам сцягу «Вялікай Албаніі». А сербскія вывесілі банэр «Слава Пуціну».
Футбольны матч адборачнага турніру да чэмпіянату Еўропы-2016 быў спынены ў канцы першага тайму. На 41-й хвіліне з боку трыбунаў да поля падляцеў дрон са сцягам так званай «Вялікай Албаніі» – тэрыторыі, якая ахоплівае ўсе часткі Балканаў, дзе пражываюць этнічныя албанцы.
Урэшце адзін з сербскіх гульцоў схапіў сцяг, што выклікала гнеўную рэакцыю албанскіх футбалістаў.
Пасля таго, як каля дзясятка сербскіх фанатаў выбеглі на поле і напалі на гульцоў зборнай Албаніі, умяшаўся спецназ.
Па падазрэнні ў арганізацыі інцыдэнту са сцягам наўпрост у віп-ложы стадыёну «Партызан» быў затрыманы брат прэм’ер-міністра Ольсі Рама, але неўзабаве яго адпусцілі.
Дарэчы, сербскія заўзятары таксама адзначыліся. Яны вывесілі банэр „Слава Пуціну” і скандавалі імя расейскага прэзідэнта, як перадае баснійскі журналіст Саша Ібруль.
[vc_single_image image=”346759″ img_size=”large”]
ЗК, belsat.eu