Летась выдаткі бюджэту Саюзнай дзяржавы выкананыя не ў поўным абʼёме.
Пра гэта заявілі на калегіі Разліковай палаты Расеі 18 красавіка, якая разгледзела аператыўную справаздачу аб працэсе выканання бюджэту Саюзнай дзяржавы на 2015 год.
Справаздача была падрыхтаваная Разліковай сумесна з Камітэтам дзяржкантролю Рэспублікі Беларусь.
Прэс-служба Разліковай палаты паведамляе, што касавае выкананне выдаткаў склала 4,7 млрд рублёў – гэта на 9 % больш, чым у папярэднім годзе.
Даходная частка бюджэту ў 2015 годзе склала 4,9 млрд рублёў і выкананая на 100,1 %.
Паводле стану на 1 студзеня 2016 года нявыкананыя рэшткі сродкаў саюзнага бюджэту склалі 1,9 млрд рублёў і ўзраслі ў параўнанні з 1 студзеня 2015 года (на 5 %).
Сярод дзяржаўных замоўцаў найбольшы абʼём нявыкананых сродкаў у МНС Расеі – 33 млн рублёў. Прычына – няправільна пазначаныя рэквізіты ў плацежных дакументах ці поўная адсутнасць кантролю.