У парламенце Кубы абмяркоўваецца праект новай канстытуцыі краіны.
Абноўлены асноўны закон дазваляе грамадзянам Кубы рэалізаваць права на прыватную ўласнасць. А замест будаўніцтва «камуністычнага грамадства» у якасці мэты ў праекце канстытуцыі прапануецца «будаўніцтва сацыялізму».
Таксама праект новай канстытуцыі прадугледжвае змены ў сістэме дзяржаўнага кіравання. Замест прэзідэнта ўрад узначаліць прэм’ер-міністр. Для прэзідэнта ўводзяцца абмежаванні па ўзросце і часе знаходжання на пасадзе (два разы запар). Заняць пасаду прэзідэнта Кубы ў першы раз зможа асоба не старэйшыя за 60 гадоў. Тэрмін знаходжання на пасадзе – 5 гадоў.
Раней стала вядома, што новая канстытуцыя Кубы дазволіць аднаполыя шлюбы. У праекце гаворыцца, што «шлюб – гэта добраахвотны саюз паміж двума людзьмі» без указання іх полу.
Парламенцкія кансультацыі па новым праекце канстытуцыі павінны завяршыцца 23 ліпеня. Пасля чаго ён будзе вынесены на рэферэндум.