Санкцыйны пін-понг: ці будзе Еўропа ўзмацняць захады супраць Расеі?


Еўропа не кажа адзіным голасам. Падзяліліся меркаванні еўрапейскіх палітыкаў і адносна санкцыяў супраць Крамля. Чаму так адбываецца і ці выйграе на гэтым Расея? Пра гэта з Гелай Мэрабішвілі – палітолагам з Брусэлю паразмаўляў карэспандэнт Алесь Сіліч.

«Санкцыі супраць Расеі не сталі вялікім прарывам у міратворчым працэсе, але мы бачым, што санкцыі ўсё ж зменьшылі ўзровень агэрсіі Расіі ва Украіне. Пытанне ўзмацнення санкцый цяпер надта спрэчнае ў ЕЗ, бо шмат з краінаў-чальцоў супраць абмежаванняў і выступаюць за тое, каб перайсці да больш-менш спакойных стасункаў», – лічыць эксперт.

На думку суразмоўцы, найбольш эфектыўныя санкцыі супраць Расеі – ў сферы энергетыкі, «бо як мы ведаем Еўропа залежыць ад расейскай энергіі, але і Расея залежыць ад Еўропы таксама, бо гандлюе энергіяй і атрымлівае за яе грошы. Калі ЕЗ дасць рады з залежнасцю ды перастане экспартаваць расейскі газ ды нафту, гэта будзе моцным ударам па расейскай эканоміцы».

«Пуцін спрабуе ўтрымаць Украіну на адлегласці ад ЕЗ і наблізіць яе да Расеі. І калі ён не здолее спыніць рух Украіны на Захад, паспрабуе паставіць яе на калені, каб лягчэй дыктаваць сваю палітыку афіцыйнаму Кіеву. Бо нестабільнага суседа лягчэй кантраляваць».

ДР, belsat.eu

Глядзі таксама
Каментары