Як выглядае Dos-атака?
З невядомых ip-адрасоў на сайт масава дасылаюцца памылковыя запыты, у выніку чаго сервернае абсталяванне не вытрымлівае нагрузку.
“Цягам апошняга году dos-атак або якіх-кольвек умяшальніцтваў у працу сайта мы не назіралі. Цяпер з атрыманымі дадзенымі працуюць праграмісты, таму будзем чакаць іх вердыкту”, – кажа прэс-сакратар Беларускай асацыяцыі журналістаў Барыс Гарэцкі.
Паводле прадстаўніка БАЖу, цяперашняя DoS-атака паходзіць з расейскіх ip-адрасоў. “Хоць гэта можа ні пра што не сведчыць, бо атаку можна скіраваць праз любую краіну”, – дадае Гарэцкі.
Адмыслоўцы ў галіне абароны інфармацыі вылучаюць некалькі прычынаў выкарыстання DoS-нападаў на сайты:
- асабістая непрыязнасць,
- забава,
- палітычная барацьба,
- нядобрасумленная канкурэнцыя,
- вымагальніцтва або шантаж.
“Магчыма, нехта вырашыў папрактыкавацца на нашым серверы. У любым выпадку мы дамо хакерам годны адказ, да якога могуць далучыцца і праваахоўныя органы. Бо за падобныя дзеянні ў Беларусі прадугледжаная крымінальная адказнасць, – падкрэслівае Барыс Гарэцкі.
ВД, belsat.eu