Кіраўнік Адэскай абласной дзяржаўнай адміністрацыі Міхаіл Саакашвілі на нарадзе з пракурорамі вобласці абрынуўся на іх з крытыкай за пакрывальніцтва злачыннай дзейнасці.
Відэа з эмацыйным спічам экс-прэзідэнта Грузіі апублікавана на ягоным YouTube-канале.
Губернатар заявіў, што аб’яўляе вайну беззаконню і хабарніцтву. Ён падкрэсліў, што шмат якія чыноўнікі дэ-факта займаюцца рабункам і прыніжэннем народу, прыгнётам і запалохваннем інвестараў, якія павінны ствараць працоўныя месцы.
«Гэта называецца рэкет, дарагі мой», – абурана сказаў губернатар Адэскай вобласці, тлумачачы неправамернасць і неэфектыўнасць дзеянняў пракуратуры, якая выкарыстоўвае свае функцыі для асабістага ўзбагачэння.
«Дапусцім, я – інвестар. Прыбываю ў Адэсу і першае, што атрымліваю ад дзяржавы: ні дапамогу, ні сяброўства, а атрымліваю ліст ад пракуратуры, што, маўляў, дашліце мне дакументы, каб я потым адкрыў супраць вас вытворчасць і пасадзіў. Гэта называецца рэкет. Гэта што – функцыянальная абавязак пракуратуры?», – падкрэсліў Саакашвілі.
Прысутным чыноўнікам было складана парыраваць прэтэнзіі кіраўніка вобласці. Саакашвілі, у сваю чаргу, заявіў, што мае намер ліквідаваць злачынныя схемы.
«Гэтыя ўрокі я праходзіў, мілы вы мой. Бачыў я такіх пракурораў, і бачыў іх у турме потым. Я не збіраюся ў Адэсе больш трываць рэкеціраў», – дадаў Саакашвілі, скіраваўшы свае словы імаверна ў бок пракурора Адэскай вобласці Рамана Гоўды.
30 траўня прэзідэнт Украіны Пятро Парашэнка прадставіў былога прэзідэнта Грузіі Міхаіла Саакашвілі ў якасці новага кіраўніка Адэскай абладміністрацыі.
МЯ, паводле nv.ua
